Fotoelektronika va yarimo‘tkazgichlar yo‘nalishida xalqaro hamkorlik

O‘zbekiston Respublikasi Fanlar akademiyasi S.A. Azimov nomidagi Fizika-texnika instituti “Fotoelektronika” laboratoriyasi mudiri Bobur Ergashev hamda “Yarimo‘tkazgichli asbobsozlik” laboratoriyasi mudiri Oybek Abdulxayev ayni kunlarda Shveytsariyaning Materialshunoslik va texnologiyalar federal markazida (EMPA) xizmat safarida bo‘lib turibdi. Safar Yaroslav Romanyuk, “Thin Films and Photovoltaics” laboratoriyasi mudiri taklifiga binoan tashkil etildi.

Safarning birinchi kunida professor Y. Romanyuk bilan uchrashuv o‘tkazilib, unda safar davomida amalga oshiriladigan ilmiy ishlar, laboratoriyalarning bugungi kundagi faoliyati, yosh olimlarning EMPAda stajirovka o‘tash rejalari hamda kelajakdagi ilmiy hamkorlik yo‘nalishlari muhokama qilindi.

Mazkur xizmat safari xalqaro ilmiy aloqalarni mustahkamlash, ilg‘or tajribalarni o‘rganish hamda yangi qo‘shma loyihalarni yo‘lga qo‘yishda muhim ahamiyat kasb etadi.